கடந்த இரண்டு மதங்களுக்கு முன்பு நமது ஸ்ரீ விருட்ச பீடத்துக்கு ஒரு கணவனும் மனைவியும் வந்திருந்தனர் பெயர் திரு/திருமதி. சுந்தரம் (பகத்தூர் கிராமம், சிறுமுகை, கோவை மாவட்டம் ), வந்திருந்த தம்பதிகளுக்கு 50 வயதுக்கு மேல் இருக்கும் அவர்களின் முகத்தில் சந்தோஷ களையே இல்லை. எதோ ஒரு தீராத சிக்கலில் சிக்கி தவிப்பது மட்டும் எனக்கு தெரிந்தது. சரி பூஜையில் தெய்வத்தின் வாயிலாகவே தெரிந்து கொள்வோம் என மனதுக்குள் நினைத்துக் கொண்டேன் வேறு எதுவும் அவர்களிடம் கேட்கவில்லை விறு விறுவென பூஜையில் அமர்ந்தேன். பூஜையில் அவர்கள் குடியிருக்கும் வீட்டில் சில அமானுஷ்ய விஷயங்கள் நடப்பதாகவும் அதனால் மன குழப்பமும், வேதனையும், விரக்தியும் அடைந்திருப்பதும் எனக்கு தெரிந்தது. அவர்கள் குடியிருக்கும் இல்லத்துக்கு சென்று பூஜித்து பார்க்க எனக்கு கட்டளையை தெய்வம் சொன்னது . விஷத்தை அவர்களிடம் சொன்னேன் அவர்களும் உடனே வாருங்கள் எங்கள் இல்லத்துக்கு செல்வோம் என்றனர். உடனே நானும் எனது சகாக்களுடன் புறப்பட்டோம்.
அவர்கள் இல்லம் களையே இல்லாமல் இருந்தது. வீட்டில் இருந்த அனைவரின் முகத்திலும் ஒரு வித அச்சம் இருப்பதை என்னால் உணர முடிந்தது.சிறிது நேரத்தில் அந்த தம்பதியினர் சில விஷயங்களை என்னிடம் பகிர்ந்து கொண்டனர். ஒரு நாள் கூட இந்த வீட்டில் இரவு நிம்மதியாக உறங்க முடியவில்லை. எதோ ஒரு உருவம் காலில் கொலுசு அணிந்துக் கொண்டு நடமாடும் சத்தம் வீட்டில் உள்ள அனைவருக்கும் கேட்பதாகவும், ராட்சச உருவங்கள் அனைவரின் கனவிலும் வந்து பயமுறுத்துவதாகவும் இது போன்ற பாதிப்பு தொடர்ந்து வீடு வாங்கிய நாளில் இருந்து தொடர்ந்து எழு வருடமாக தினம் தினம் நடைபெறும் சம்பவங்கள் என்றும் இதுவரை யாரும் இரவில் நிம்மதியாக உறங்கியதில்லை என்றும், சிறு குழந்தை முதல் முதியவர் வரை அனைவரின் உடலிலும் முகத்தினை தவிர அறாத புண்கள் உண்டாகியுள்ளது இதுவரை பலப் பல மருத்துவ நிபுணர்களிடம் சிகிச்சை பெற்றும் பலனில்லை என்றும் சொல்லிமுடிதனர். இனி நீங்கள் தான் எங்களுக்கு நல்ல வழியை காட்ட வேண்டும் என்று கண்ணீர் மல்க சொன்னனர்.
அந்த வீட்டின் பூஜை அறையை கேட்டு அங்கு அமர்ந்து என் இஷ்ட தெய்வத்தை பூஜித்து இவர்களின் நல்வாழ்வுக்கு நல்வழி கட்ட வேண்டும் என்று பிராத்தித்து வேண்டினேன். ''இந்த இல்லத்தில் இதற்க்கு முன் வாசித்தவருக்கு ஆகாத சிலர் வைத்த ஏவல் இந்த வீட்டில் இருப்பதாகவும், அது மட்டும் இல்லாமல் நிறைவேறாத ஆசைகளுடன் இறந்த ஒரு கற்பஸ்திரியின் ஆவியும் அங்கு உலவுவதாகவும்'' என் தெய்வம் எனக்கு சொன்னது. பூஜையில் தெரிந்ததை அவர்களிடம் சொன்னேன். அவர்களும் பல மாந்திரீகர்களை அழைத்துவந்து பலப்பல பரிகாரங்களை செய்தோம் இலட்சங்கள் கரைந்ததே தவிர பலன் ஒன்றும் இல்லை நீங்கள் தான் இந்த பிரச்சனையில் இருந்து மீள வழிகாட்ட வேண்டும் என்று மன்றாடினார்.
அந்த தம்பதியிடம் மறுநாள் வாருங்கள் வழி சொல்கிறேன் என்று சொல்லி கிளம்பினேன். ஸ்ரீ விருட்ச பீடம் வந்து இவர்களின் துயரை தீர்க்க நீயே உடனிருந்து வழிநடத்த வேண்டும் என்று என் இஷ்ட தெய்வம் ஸ்ரீ மகா லக்ஷ்மியையும் சித்தர்களையும் வேண்டிக்கொண்டேன். என் தெய்வமும் நீ செய் என்று உத்தரவு தந்தது மகிழ்வுடன் உறங்கச் சென்றேன்.
மறுநாள் அந்த தம்பதியினர் வந்தனர் அவர்களிடம் செய்ய வேண்டிய பூஜை முறைகளை விளக்கினேன். அதன் படி மூன்று நாட்கள் பூஜித்து அவர்களின் வீட்டில் இருந்த ஏவலை போக்கினேன். அவர்களுக்கு 15 நாள் உருவேற்றி ஒரு வராகி எந்திரத்தை உரிய மூலிகையை உடன் வைத்து பிரேம் செய்து அவர்கள் வீட்டில் தலை வாசலுக்கு மேலே பூஜித்து மாட்டினேன்.
பறந்து வந்த எந்திர தகடு :
அன்று எந்திரதகடை மாலை ஐந்து மணிக்கு மாட்டி பூஜித்து கிளம்பினேன். சுமார் இரவு 11 மணி இருக்கும் நானும் எனது சாகவும் வேறு ஒரு வீட்டில் பூஜைக்கு புறப்பட்டு வாகனத்தில் சென்று கொண்டிருந்தோம். சுந்தரம் செல்போனில் அழைத்தார் குரலில் ஒரு பதட்டம் தெரிந்தது என்ன நடந்தது என்று விசாரித்தேன். இரவு 10.45 க்கு அனைவரும் உறங்கச் சென்றோம்.கதவுகள் அனைத்தும் தாழிட்டு விளக்குகள் அணைக்கப் பட்டிருந்தது. இரவு விளக்கு ஒன்று மட்டும் எரிந்தது. அனைவரும் டிவியில் ஒலிக்கும் படலை கேட்டுக்கொண்டே உறங்கிக் கொண்டிருந்தோம். உறங்கிய இடம் ஹால் சுமார் 10 அடி துரத்தில் வாசலில் நீங்கள் மாட்டிய வாராகி எந்திரம் எங்கள் அருகில் பறந்து வந்து விழுந்தது. இது எப்படி சத்தியம் எங்களுக்கு பயமாக உள்ளது உடனே நீங்கள் வாருங்கள் என்றார். நான் வேறு ஒரு நபரின் ஏவலை தீர்க்க பயணப்பட்டு சென்று கொண்டிருப்பதை சொன்னேன். எந்த பயமும் பட தேவையில்லை எந்திரத்தை எடுத்து மீண்டும் மாட்டிவிட்டு பயப்படாமல் துங்கும்படி சொன்னேன். பேசி முடித்து 2 நிமிடம் கூட இருக்காது மீண்டும் செல்போனில் அழைத்தார். என்ன நடந்தது என்றேன் எந்திர தகடு மாட்டியஉடன் தகடு சுவற்றில் டமார் டமார் என்று தட்டி மோதிக்கொள்கிறது எங்களுக்கு பயமாக உள்ளது பயணத்தை முடித்துக் கொண்டு உடனே வரவேண்டும் என்று கெஞ்சினார். எந்த பயமும் வேண்டாம் எல்லாம் வாராகி அம்மன் செயல் பயப்படாது தூங்குங்கள் என்று சொல்லி வைத்தேன். மீண்டும் ஒரு 5 நிமிடம் கடந்திருக்கும் மீண்டும் அழைத்தார். ஆன் செய்து பேசினேன் வீட்டில் உள்ள அனைவரின் கைகளும் இழுப்பது போல் உள்ளது உடனே வரவேண்டும் என்று சொல்லி அவரின் குரல் கம்மியது. அவரிடம் சொன்னேன் நான் கொடுத்து வைத்த விபூதியை கொஞ்சம் எடுத்து அனைவரும் பூசிக்கொள்ளும் படி சொன்னேன் அவ்வாறே செய்தார். இனி எந்த தொந்தரவும் உங்களுக்கு வராது நிம்மதியுடன் உறங்குங்கள் காலையில் தொடர்பு கொள்ளுங்கள் என்று சொல்லி போனை வைத்தேன்.
மீண்டும் காலையில் செல்போனில் அழைத்தார். இரவு நடந்த மர்மங்களை விளக்கும் படி கேட்டார். நானும் சொன்னேன். 3 நாள் பூஜையில் உங்கள் வீட்டில் இருந்த ஏவலையும், ஆவியையும் விரட்டினேன். ஆனாலும் நிறைவேறாத ஆசையுடன் இறந்த அந்த பெண்ணின் ஆவி மீண்டும் உங்கள் வீட்டில் நுழைய முயற்சி செய்தது அதை தடுத்து அடித்துக் கொல்லவே வாராகி எந்திரம் பறந்து வந்து விழுந்தது. ஏனென்றால் அந்த எந்திரத்தின் பின்புறம் ஒரு துஷ்ட சக்திகளை ஒடுக்கும் சக்தி வாய்ந்த மூலிகை வேர் வைத்து பிரேம் செய்திருப்பதை சொன்னேன். சரி மீண்டும் சுவற்றில் மாட்டிய பிறகு தானாக டமார் டமார் என்று அடித்து கொண்டது எதனால் என்றார். எந்திரம் பறந்து வந்து அந்த கெட்ட ஆவியை அடித்து விழுந்ததும் அதில் வைத்திருந்த வேர் அந்த கெட்ட ஆவியை பிடித்துக் கொண்டது அதை அடித்து விரட்டவே தானாக சுவற்றில் அடித்துக் கொண்டது என்றேன். மீண்டும் ஒரு கேள்வியை கேட்டார் எங்களின் கைகள் பிடித்து இழுப்பது போல் இருந்தது எதனால் என்றார். அந்த எந்திரத்தை மட்டும் வீட்டை விட்டு வெளியேற்றி விடுங்கள் நான் வாழ்ந்த வீட்டில் நான் இருந்துகொள்கிறேன் என்று அந்த ஆவி உங்களின் கைகளை பிடித்து கெஞ்சியது.அதை அங்கிருந்து உங்களை தொந்தரவு செய்யாமல் விரட்டவே நான் மந்திரித்து கொடுத்து சென்ற விபூதியை அனைவரும் வைத்துக்கொள்ளும்படி சொன்னேன் என்றேன். அப்போது தான் அவருக்கு நிம்மதி பெருமூச்சு வந்தது. மீண்டும் அமானுஷ்ய உண்மை சம்பவங்கள் தொடரும்.....
